Leikur að orðum

Í síðasta skoti voru orð sem táknuðu hreyfingu raðað á skala eftir hraða. Sum þessara orða eru nemendum ekki töm og þess vegna þarf að vinna með þau aftur og aftur til að þau lærist. Leikir eru kjörin aðferð til þess.

Rifjum upp orðin: Skríða, hlaupa, skokka, ganga, labba, rölta, spássera, tipla, klöngrast, klofa, valhoppa og arka.

Prófaðu leikinn Jósep segir sem sumir kalla Símon segir og Actionary og krakkarnir læra og leika samtímis. Myndin sýnir nemendur læra og nota orð í gegnum leikinn Actionary.